Calendar
Batikang mamamahayag na si Jay Ruiz napili ni PBBM na bagong PCO chief
ANG batikang journalist na si Jay Ruiz ang napili ni Pangulong Ferdinand “Bongbong” Marxos Jr. na susunod na pinuno ng Presidential Communications Office (PCO).
Kasunod ito ng pagbibitiw sa puwesto ni PCO Acting Secretary Cesar Chavez.
Ayon kay Chavez, nakausap na niya si Ruiz para ipakilala sa PCO.
“I spoke to Jay Ruiz already. I informed him that I will introduce him to the PCO Mancom on Monday, Feb 24, so he can begin a week-long transition, so that by March 1, it’s already a plug-and-play for him as the new PCO Secetary,” pahayag ni Chavez.
“I am also hoping that this kind of transition can be institutionalized in all other agencies,” dagdag ni Chavez.
Si Ruiz ang ikaapat na PCO Secretary ni Pangulong Marcos.
Si Ruiz ay dating reporter ng ABS-CBN.
Una rito, itinalaga ni Pangulong Marcos sina dating PCO Secretaries Trixie Angeles, Cheloy Garafil at si Chavez.
