TATLONG linggo bago ang halalan, nangunguna pa rin sa survey si presidential frontrunner Ferdinand “Bongbong” Marcos Jr.

Sa survey ng OCTA Research na isinagawa mula Abril 2-6, nakakuha si Marcos ng 57 porsyento.

Malayong pumapangalawa naman si Vice President Leni Robredo na nakakuha ng 22 porsyento at sinundan ni Manila Mayor Isko Moreno na nakakuha ng 9 porsyento.

Sumunod naman si Sen. Manny Pacquiao na may 7 porsyento at Sen. Panfilo Lacson na may 4 porsyento.

Ang iba pang kandidato ay nakakuha ng 1 porsyento o mas mababa pa.

Kinuha sa survey ang opinyon ng 1,200 respondent at mayroon itong margin of error na 3%.