INILABAS ng Judicial and Bar Council (JBC) nitong Huwebes, Oktubre 29, ang limang nominado para sa posisyon ng punong mahistrado ng Korte Suprema na papalit kay Chief Justice Alexander Gesmundo.

Kabilang sa shortlist sina Senior Associate Justice Marvic Leonen, Associate Justice Alfredo Benjamin Caguioa, Associate Justice Japar B. Dimaampao, Associate Justice Rodil V. Zalameda at Associate Justice Jose Midas P. Marquez.

Batay sa liham ng JBC kay Pangulong Ferdinand Marcos Jr., isinumite ang mga pangalan kasunod ng deliberasyon ng konseho noong Oktubre 29. Ang limang nominado ay kabilang sa mga aplikanteng sumailalim sa panayam para sa posisyon.

Si Gesmundo ay nakatakdang magretiro nang sapilitan sa Nobyembre 6, 2026, sa edad na itinakda para sa compulsory retirement ng mga mahistrado.

Nasa kamay ni Marcos ang pagpili sa susunod na punong mahistrado mula sa limang nominado.