DEDO ang isang mamimili at malubhang nasugatan ang tindero ng isda nang biglang pagbabarilin ng mga di-kilalang salarin habang nasa tindahan sa Double-L Public Market, Southville-8, Brgy. San Isidro, Rodriguez, Rizal.

Ang nasawi ay nakilalang si alyas Sadam at sugatan naman ang tinderong si alyas Ronaldo.

Nabatid sa inisyal na imbestigasyon na ang tidero habang nasa kanyang tindahan ng isda at abala sa mga mamimili bandang alas-7:20 ng umaga, nang biglang sumulpot ang dalawang hindi pa nakikilalang lalaki at sa hindi malamang dahilan ay pinagbabaril siya ng ilang beses.

Ang tindero ay tinamaan sa iba’t ibang bahagi ng kanyang katawan.

Si alyas Sadam, kustomer at kasalukuyang namimili sa tindahan ay  nabaril rin ng mga suspek at duguang bumagsak sa semento ng wala ng buhay.

Matapos ang insidente ay mabilis na tumakas ang mga suspek patungo sa Southville- 8B, Brgy. San Isidro.

Mabilis na naisugod ang tindero sa pinakamalapit na pagamutan para sa agarang gamutan.

Patuloy ang pagtugis ng mga kapulisan sa mga suspek.