LUMAGPAS sa target ang nakolektang buwis ng Bureau of Internal Revenue (BIR) para sa buwan ng Agosto.

Ayon sa BIR nakakolekta ito ng kabuuang P228.938 bilyon noong nakaraang buwan, mas mataas ng 4.46 porsyento sa target nito na P219.172 bilyon.

Kumpara noong Agosto 2021, mas mataas ito ng P42.86 bilyon o 23.03 porsyento.

Mula Enero hanggang Agosto ngayong taon ay nakakolekta na ang BIR ng P1.559 trilyon, mas mataas ng 12.25 porsyento o P170.168 bilyon sa nakolekta nito sa unang walong buwan ng 2021.