PINAGTIBAY ng Senado ang isang resolusyon na sumusuporta sa 2022-2028 medium-term fiscal framework (MTFF) ng Marcos administration.

Ang Senate Concurrent Resolution No. 3 ay akda nina Senate President Juan Miguel Zubiri, Senate President Pro Tempore Loren Legarda, at Majority Leader Joel Villanueva at inisponsor sa plenaryo ni Senate finance committee chairperson Sonny Angara.

Tutol naman sa panukala si Senate Minority Leader Aquilino “Koko” Pimentel samantalang nag-abstain si Sen. Risa Hontiveros.

Ang MTFF ay ang magsisilbing gabay na gagamitin ng Marcos administration sa direksyon na tatahakin ng bansa sa susunod na anim na taon.

Ang kaparehong resolusyon ay nauna ng pinatibay ng Kamara de Representantes.