MULA sa isang simpleng pamilya sa Iloilo, ibabahagi ni Miss Universe Philippines 2020 Rabiya Mateo ang kanyang buhay sa long running drama anthology, ‘Magpakailanman’ sa GMA7, Sabado, ika-8:15 ng gabi..

Hosted by Mel Tiangco, si Rabiya mismo ang gaganap sa kanyang sarili at buong tapang niyang ilalahad ang kanyang buhay mula sa pagiging isang pangkaraniwang estudyante sa Iloilo hanggang sa gabi ng pagiging reyna ng kagandahan.

Ang episode, na pinamagatang ‘Basta Ilongga, Guwapa’ ay tinatampukan din nina Sharmaine Arnaiz, Anjo Damiles, Raquel Monteza, Riel Lomadilla at Raheel Bhyria mula sa direksiyon ni Mark Reyes V.