ANIM ang patay, kasama ang anim na buwang buntis, sa sunog na umabot lang sa first alarm sa residential building sa Brgy. 25, Padre Rada sa Tondo, Manila noong Linggo.

Bukod sa buntis, patay din ang 2-anyos at 6-anyos na batang lalaki nang ma-trap sa nasusunog na bahay.

Napag-alaman na hindi nakababa sa ikatlong palapag ang mga biktima sa naganap na sunog. Nagsimula ang sunog alas-4:39 ng umaga.

Ayon sa isa sa kaanak na nakaligtas, biglang may sumabog sa nasabing kwarto at nang ibababa ang power breaker pumutok naman ang kanilang ilaw.

Doon na kumalat ang apoy hanggang abutin ang mga nakasabit na mga kurtina. Napag-alaman na 13 katao ang nakatira sa nasabing gusali walang fire exit, ayon sa Bureau of Fire Protection.