PILI, Camarines Sur — Kaagad nagpakitang gilas ang host CamSur Express at NCAA member University of Perpetual Help System Dalta sa pagsisimula ng aksyon sa 2025 Cam Sur Cup invitational basketball championship sa Fuerte Sports Complex kamakailan.

Sumandal ang National Basketball League runner-up CamSur sa three-point basket ni Rufino Sablaon ipang pabagsakin ang Kuala Lumpur Hornbills, 73-70.

. Samantala, kinailangan ng Perpetual Help ng matinding atake sa second half upang biguin ang NAASCU champion St.Clare College-Caloocan, 94-77, sa opener ng prestihiyosong kumpetisyon na itinataguyod ng Armstrong Philippines .

Umiskor si Kyle Philip Domagtoy ng 14 points habang nag-ambag si Jerome Almarion ng 11 points para CamSur, na naghahanda para sa NBL season.

Gayunman, si Sablaon III ang nagpa-sikat ng husto para sa host CamSur sa kasiyahan ng madaming manonood, kasama na sina Camarines Sur Gov. Luigi Villafuerte at ell-known actress Yassi Pressman.

Si Sablaon na napiling “Best Player of the Game”, Y nagtala ng 11 points, five rebounds at four assists para sa Express nina team manager Solomon Ngo and coaches Genesius Molto, Jr., Gil Lumberio at Ryan Regalado.

Ang kanyang dagger three-pointer sa huling 39 seconds ang tumuldok sa kapanapanabik na sagupaan.

Nanguna para sa mga Malaysians si Kesmendio Singh sa kanyang 19 points at two rebounds, kasunod si.Teoh Yi Kang, na may 13 points, four rebounds, three assists at three steals.

Naging mahigpitan din ang labanan ng Perpetual Help at St. Clare sa simula ng laro.

Nagsanib pwersa sina JP Boral, Patrick Sleat at Axl Jon Manuel para sa Las-Piñas-based Altas ni coach Olsen Racela.

Namuno si Boral, na napiling“Best Player of the Game”, sa kanyang 16 points, seven rebounds, three assists, one steal at one block.

Nakaguwanh niya sina Sleat (16 points, four assists), Manuel (14 points, five rebounds, three assists) at Josiah King Alcantara (10 points).

Pinangunahan ni Justine Bautista ang Caloocan-based Saints ni coach Jino Manansala sa kanyang 21 points.

The scores:

First game

Perpetual Help (94) — Boral 16, Sleat 16, Manuel 14, Alcantara 10, Maglupay 7, Nunez 7, Cruz 6, Duremdes 6, Casinillo 4, Abis 3, Pizaro 2, Guibao 2, Gelsano 1, Rojas 0, Tulabut 0
St. Clare (77) — Bautista 21, Salazar 10, Bojorcelo 9, Ibanez 7, Dela Cruz 6, Manzano 6, Loyola 5, Talavera 5, Gazzingan 5, Desabelle 2, Magno 1.
Quarterscores: 23-23, 46-49, 75-67, 94-77.

Second gams

Cam Sur Express (73) — Domagtoy 14, Almarion 11, Sablaon III 11, Dela Cruz 7, Matos 5, Lim 4, Masinas 4, Redondo 3, Rito 3, V. Mallapre 3, Magpantay 3, Mosalve 2, E.Malapre 2, Belga 1.
KL Hornbills (70) — Singh 19, Kang 13, Ding 11, Hong 9, Y. Wei 6, T. Wei 5, Wai 2, An 2, Kian 2, Thung 1.
Quarterscores: 10-19, 32-32, 50-44, 73-70.