UMUKIT ng kasaysayan si Stanley Pringle ng Terrafirma Dyip sa kaniyang award bilang pinakabagong miyembro ng PBA 5,000-Point Club.

Nasungkit ng 38-year-old na si Pringle sa second quarter ng laro ng Terrafirma laban sa Rain or Shine, na kung saan nabigo sila 85-94.

” I really felt grateful for the award,” pahayag ni Pringle matapos ang awarding ceremony sa halftime ng sagupaan ng Terrafirma at Blackwater sa Ninoy Aquino Stadium kamakailan.

Ang dating No. 1 rookie pick na si Pringle ang ika-100 player sa 49-year history ng PBA na naka-iskor na 5,000 points.

Nanguna sina PBA Commissioner Willie Marcial at Blackwater team governor Siliman Sy sa mga bumati kay Pringle.