PATAY ang 35 anyos na contractor sa pamamaril ng dalawang hindi nakilala at nakatakas na suspek pagkatapos maglaro ng bilyar sa Brgy. Marinig, Cabuyao City, Laguna kamakailan.

Ayon sa report, napatay si Joselito Ilao dahil sa mga tumamang bala sa kanyang katawan mula sa hindi mabatid na kalibre ng baril.

Pauwi na ng barilin sa hindi malamang dahilan ang biktima galing sa Bite and Sip Food Cocktail dakong alas-8:30 ng gabi, ayon sa Cabuyao police,

Tumakas ang mga salarin gamit ang motorsiklo.

Sa pahayag ni Mark De Jose Parala, 20, katatapos lang maglaro ng bilyar ng biktima kasama ang kaibigan ng barilin ng dalawang salarin.