ARESTADO ng mga tauhan ng Manila Police District-Sta. Cruz police station 3 ang back rider pero nakatakas ang rider matapos manghablot ng cellular phone noong Biyernes sa Rizal Avenue at Tayuman St., Sta. Cruz, Manila.

Nakilala ang naarestong suspek na si alyas Bernardo, 23, pero hinahanap pa ang rider na si alyas Kenneth.

Sa ulat nina Police Executive Master Sergeant Peter Joseph Villanueva, bandang alas-9:56 ng gabi ng maganap ang snatching.

Sakay ng tricycle ang biktimang si RJay, 28, ng hablutin ng backride ang cellphone ng biktima.

Nagsisisigaw ang biktima na nag resulta sa kawalan ng balanse ng suspek kaya naiwan ng rider.

Nagkataon na nagpa-patrol ang mga pulis malapit sa pinangyarihan lugar at nahuli ang suspek.