IBINAHAGI ni Ai-Ai delas Alas na matapos niyang ipasuri ang kanyang plantar fasciitis at pananakit sa kaliwang tuhod, natuklasan umano ng kanyang doktor na mas maikli ng halos isang sentimetro ang kanyang kaliwang paa kumpara sa kanan.

Ayon kay Ai-Ai, posibleng ito umano ang dahilan kung bakit karamihan sa kanyang nararanasang pananakit ay nasa kaliwang bahagi ng kanyang katawan, bukod pa sa kanyang spinal condition.

Sa hiwalay na post, sinabi rin ng komedyante na bumisita siya sa Apu Mamacalulu Shrine upang magpasalamat sa mga biyayang natatanggap niya, kabilang ang kanyang kalusugan, pamilya, mga proyekto, at matagumpay na pagtatapos sa Hyrox event.

“IN HIS time not my time amen,” ani Ai-Ai.