PALAYAN CITY, Nueva Ecija–Humiling ng dialog kay Sen. Francis “Kiko” Pangilinan ang mga miyembro ng Vice Mayors League of the Philippines-Nueva Ecija para iparating ang hiling ng mga magsasaka na mabigyan ng proteksyon sa presyo ng produktong agrikultural, palay at sibuyas.

Pinangunahan ni San Antonio Vice Mayor Arvin Salonga ang paghiling ng dialog.

Ipinunto ni Bongabon Vice Mayor Christian Binuya ang pagpapadala ng VMLP-NE ng official communication sa tanggapan ni Sen. Pangilinan upang mai-iskedyul ang appointment ng grupo sa dayalogo.

Una ng humihiling kay Agriculture Secretary Francisco Tiu Laurel Jr. ang grupo para mabigyang prayoridad ang mga magsasaka, lalo na sa presyuhan ng palay at sibuyas.