MULING binuksan sa publiko ang Dolomite beach sa Maynila matapos itong sumailalim sa rehabilitasyon.

Bagamat mas malinis na ang lugar ngayon, sinabi ng Department of Environment and Natural Resources (DENR) na hindi pa rin maaaring languyan ang tubig dito.

Ang beach ay may habang 500 metro. Tinambakan ito ng dolomite sand upang gumanda.

Ayon kay dating Environment Secretary Roy Cimatu ang hamon sa papasok na administrasyon ay gawing ‘swimmable’ ang lugar na mangyayari lamang kapag bumaba na ang coliform level dito.

Maaaring bumisita sa beach mula 6 ng umaga hanggang 6 ng gabi.