PINALAWIG ng Metropolitan Manila Development Authority (MMDA) ng isang linggo ang dry run ng exclusive motorcycle lane sa kahabaan ng Commonwealth Avenue sa Quezon City.

Ayon sa MMDA magsasagawa muna ng road patch work ang Department of Public Works and Highways (DPWH) sa naturang kalsada bago opisyal na simulan ang ekslusibong lane para sa mga motorsiklo.

Nauna ng sinabi ng MMDA na sisimulan ang ekslusibong paggamit ng naturang lane sa Lunes, Marso 20.

Umaasa ang MMDA na mas marami ng magiging pamilyar sa ipatutupad na polisiya sa pagpapalawig ng dry run.

Mula Marso 9 hanggang 16 ay 2,173 motorsiklo at 7,584 four-wheeled vehicle ang nahuli at binigyan ng babala ng MMDA.