NAGMISTULANG sapot ng gagamba na pumigil sa dump truck ang mga kawad ng kuryente matapos sumabit noong Sabado sa Ronquillo St. malapit sa Florentino Torres St., Sta. Cruz, Manila.

Walang nasaktan sa insidente kaugnay sa mga kuryente na sumabit sa truck, ayon sa mga pulis.

Ayon sa ulat ni Police Major Jaime Gonzales Jr., hepe ng Vehicular Traffic Investigation Section (VTIS) ng Manila District Traffic Enforcement Unit (MDTEU) bandang alas-5:12 ng umaga ng makaladkad ang mga cable wire kasama ang mga poste ng Meralco.

Binabaybay ng dump (NGM 4563) na minamaneho ni John Mark Sese, 43, ng sumabit ang mga kawad ng kuryente hanggang sa magkabali-bali ang iba’t-ibang uri ng poste na gawa sa kahoy.