𝗕𝗔𝗚𝗔𝗠𝗔’𝗧 𝗮𝗯𝗮𝗹𝗮 𝘀𝗶 𝗛𝗼𝘂𝘀𝗲 𝗗𝗲𝗽𝘂𝘁𝘆 𝗦𝗽𝗲𝗮𝗸𝗲𝗿 𝗮𝘁 𝗖𝗲𝗯𝘂 𝟱𝘁𝗵 𝗗𝗶𝘀𝘁. 𝗖𝗼𝗻𝗴. 𝗩𝗶𝗻𝗰𝗲𝗻𝘁 𝗙𝗿𝗮𝗻𝗰𝗼 “𝗗𝘂𝗸𝗲” 𝗗. 𝗙𝗿𝗮𝘀𝗰𝗼 𝘀𝗮 𝗯𝘂𝗱𝗴𝗲𝘁 𝗵𝗲𝗮𝗿𝗶𝗻𝗴 𝗻𝗴 𝗞𝗮𝗺𝗮𝗿𝗮 𝗱𝗲 𝗥𝗲𝗽𝗿𝗲𝘀𝗲𝗻𝘁𝗮𝗻𝘁𝗲𝘀 𝗽𝗮𝗿𝗮 𝘀𝗮 𝟮𝟬𝟮𝟱 𝗽𝗿𝗼𝗽𝗼𝘀𝗲𝗱 𝗻𝗮𝘁𝗶𝗼𝗻a𝗹 𝗯𝘂𝗱𝗴𝗲𝘁, n𝗮𝗸𝗮𝘁𝘂𝘁𝗼𝗸 𝗽𝗮 𝗿𝗶𝗻 𝗮𝗻𝗴 𝗸𝗼𝗻𝗴𝗿𝗲𝘀𝗶𝘀𝘁𝗮 𝘀𝗮 𝗸𝗮𝗻𝗶𝘆𝗮𝗻𝗴 𝗺𝗴𝗮 𝗽𝗿𝗼𝘆𝗲𝗸𝘁𝗼𝗻𝗴 𝗶𝗻𝗳𝗿𝗮𝘀𝘁𝗿𝗮𝗸𝘁𝘂𝗿𝗮 𝘀𝗮 𝗸𝗮𝗻𝗶𝘆𝗮𝗻𝗴 𝗹𝗮𝗹𝗮𝘄𝗶𝗴𝗮𝗻.

Pinangunahan ng House Deputy Speaker ang inilunsad na “groundbreaking ceremony” para sa ipinagawa nitong bagong Carmen Public Market na nagkakahalaga ng P50 million, kasama na ang road concreting project na nagkakahalaga naman ng P15 million.

Ayon kay Frasco, ang dalawang nasabing proyekto ay napakahalaga para sa kaniyang mga kababayan. Sa pamamagitan ng bagong public market, mabibigyan ng pagkakataon ang mga maliliit na negosyante na makapagsimula ng kanilang negosyo lalo na ang mg magsasaka at mangingisda.

Ipinaliwanag ni Frasco na bukas na kaalaman na ang mga public market ang binabagsakan ng mga isda at gulay na hinahango ng mga mangingisda at magsasaka kasama na ang iba pang mga produkto.

Sabi pa ng kongresista, inaasahan din na sa pagbubukas ng Carmen Public Market, malayang makakapasok din ang iba pang mga produkto mula sa karatig lugar at lalawigan.

Dagdag pa ni Frasco, sa tulong naman ng kaniyang proyektong road concreting, maayos at mabilis na maihahatid sa mga lugar ang mga produkto mula sa kanayunan patungo sa bayan dahil mas magiging kombinyente ang pagbibiyahe sa iba’t-ibang produkto gaya ng mga agricultural products na in demand.

Ang Cantipay road ang magko-connect naman sa Barangay Puente at Barangay Cantipay na magsisilbing alternatibong daan para sa mga motorista na bumabagtas sa mga barangay na sakop ng Carmen.

Paliwanag pa ng House Deputy Speaker, ang pagbubukas ng Carmen Public Matket ang magsusulong ng local economy sa nasabing lugar. Kabilang na dito ang pagkakaroon ng mabilis na “access” para sa mga produktong nagmumula sa iba’t-ibang lugar gaya ng gulay at isda.