NAIHATID na sa kanyang huling hantungan si dating Pangulong Fidel V. Ramos, ang ika-12 Pangulo ng bansa.

Si Ramos ay inihimlay sa Libingan ng mga Bayani katabi ang isa pang dating Pangulo—si Elpidio Quirino.

Dumalo sa libing si Pangulong Ferdinand “Bongbong” Marcos Jr., na nakitang sumaludo kay FVR.

Si Ramos ay binigyan din ng full military honors na may 21-gun salute. Siya ay dating chief-of-staff ng Armed Forces of the Philippines at kalihim ng Department of National Defense.

Kinikilala si Ramos sa kanyang nagawa upang muling buhayin ang ekonomiya ng Pilipinas dahil sa kanyang mga ipinatupad na polisiya.