ISANG 27-anyos na lalaki ang inaresto matapos umanong mangholdap ng sari-sari store sa Quezon City.

Ang suspek na si Gabriel Tria, residente ng Brgy. San Isidro, Taytay Rizal ay nahaharap sa kasong robbery holdup.

Nagbabantay umano ng tindahan ang biktimang si Marites Gambala, 48, at ng Brgy. Greater Fairview, Quezon City, nang dumating ang suspek na walang saplot na pang-itaas at nanghingi ng tubig alas-2 ng umaga noong Abril 14.

Nang matiyak umano ng suspek na nag-iisa ang biktima ay naglabas ito ng patalim. Kinuha umano nu Tria ang laptop ng biktima.

Naaresto ng mga rumespondeng pulis ang suspek at nabawi sa kanya ang laptop at ang patalim na ginamit sa krimen.