Ice Seguerra

Ice tampok sa ’The Red Curtain Sessions’ 

14 Views
Matapos ang two-night sold-out concert series niyang “Ice Sings! Musical Hits” sa Music Museum kamakailan, muli na namang sasabak ang OPM icon/hitmaker na si Ice Seguerra sa isang memorable intimate performance na pinamagatang “The Red Curtain Sessions Presents Ice Seguerra”.
Ang naturang pagtatanghal, na pupunuin ng live music, heartfelt stories at unforgettable moments, ay gaganapin sa December 4, 7 p.m., sa APT Studios na matatagpuan sa Marcos Highway, Cainta, Rizal.
Hatid ng APT Entertainment at All Access to Artists Live!, kakaiba ang “The Red Curtain Sessions Presents Ice Seguerra” dahil ito ay isang live concert with buffet event.
Ibig sabihin, hindi lamang mag-e-enjoy ang concertgoers sa musikang handog ni Ice sa gabing iyon, kundi maging sa buffet dinner na hatid ng Myons Cuisine.
Co-presented ng DeLonghi at Tough Mama, available na ang tickets para sa “The Red Curtain Sessions Presents Ice Seguerra” sa halagang P3,500.
Para sa ticket reservations, maaaring mag-text o tumawag sa 0927-7542875.