KUMPIYANSA si Senador Sherwin Gatchalian na maaaresto na sa Indonesia si dismissed Bamban, Tarlac Mayor Alice Guo.

Sa ambush interview sa Libingan ng mga Bayani sa Taguig sa paggunita sa Araw ng mga Bayani, sinabi ni Gatchalian na end of the road na kay Guo ang Indonesia.

“Para sa akin mahuhuli siya sa Indonesia,” pahayag ni Gatchalian.

Nakausap na ni Gatchalian ang mga ambassadors ng Association of Southeast Asian Nations sa Libingan ng mga Bayani at sinabing nakaalerto na ang kanilang hanay.

Tiyak aniyang mahihirapan nang gumalaw si Guo sa Southeast Asia.

Idinadawit si Guo sa illegal na operasyon ng Philippine Offshore Gaming Operator (POGO) sa bansa.