𝗣𝗔𝗥𝗔 𝘀𝗮 c𝗵𝗮𝗶𝗿𝗺𝗮𝗻 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗗𝗮𝗻𝗴𝗲𝗿𝗼𝘂𝘀 𝗗𝗿𝘂𝗴𝘀 𝗻𝗮 𝘀𝗶 𝗦𝘂𝗿𝗶𝗴𝗮𝗼 𝗱𝗲𝗹 𝗡𝗼𝗿𝘁𝗲 𝟮𝗻𝗱 𝗗𝗶𝘀𝘁. 𝗖𝗼𝗻𝗴. 𝗥𝗼𝗯𝗲𝗿𝘁 𝗔𝗰𝗲 𝗦. 𝗕𝗮𝗿𝗯𝗲𝗿𝘀 𝗻𝗮 𝗺𝗮𝘀 𝗻𝗮𝗴𝗶𝗻𝗴 𝗺𝗮𝗮𝘆𝗼𝘀 𝗮𝘁 𝗼𝗿𝗴𝗮𝗻𝗶𝘀𝗮𝗱𝗼 𝗮𝗻𝗴 𝗸𝗮𝘀𝗮𝗹𝘂𝗸𝘂𝘆𝗮𝗻𝗴 𝗸𝗮𝗺𝗽𝗮𝗻𝘆𝗮 𝗻𝗴 𝗴𝗼𝗯𝘆𝗲𝗿𝗻𝗼 𝗹𝗮𝗯𝗮𝗻 𝘀𝗮 𝗶𝗹𝗹𝗲𝗴𝗮𝗹 𝗻𝗮 𝗱𝗿𝗼𝗴𝗮 𝘀𝗮 𝗶𝗹𝗮𝗹𝗶𝗺 𝗻𝗴 𝗽𝗮𝗺𝘂𝗺𝘂𝗻𝗼 𝗻𝗶 𝗣𝗿𝗲𝘀𝗶𝗱𝗲𝗻𝘁 𝗙𝗲𝗿𝗱𝗶𝗻𝗮𝗻𝗱 “𝗕𝗼𝗻𝗴𝗯𝗼𝗻𝗴” 𝗥. 𝗠𝗮𝗿𝗰𝗼𝘀, 𝗝𝗿.

Paliwanag ni Barbers na sa nakikita niya ngayon ay mas naging polido at maayos ang kampanya ng administrasyong Marcos, Jr. laban sa ipinagbabawal na gamot ng hindi na kailangan pang gumamit ng karahasan o kaya’y may mapatay na drug user o drug addict.

Pagdidiin pa ni Barbers, maraming indibiduwal sa kasalukuyan ang naaaresto ng mga awtoridad na sangkot sa illegal na droga na hindi naman humahantong sa pamamaslang gaya ng mga nangyayari sa nakaraan kung saan kaliwa’t kanan ang mga pagpatay sa mga taong sangkot sa ipinagbabawal na gamot.

Ayon sa kongresista, kahit araw-araw ay may namamatay na drug addict o drug user. Kung hindi naman aniya uugatin ang naturang problema ay magpapatuloy parin umano ang talamak na bentahan at paggamit ng ipinagbabawal na gamot na karamihan ay pawang mga kabataan ang biktima.

Winika pa ni Barbers na dahil sa sistemang ito maituturing na ang kasalukuyang estratehiya ng pamahalaan laban sa illegal drugs ay mas makatao, mas epektibo at organisado. Naniniwala siya na hindi naman solusyon ang mga pagpatay para puksain o wakasan ang paglaganap ng illegal na droga sa bansa.

“Under Preaident Marcos, Jr. more individuals involved in the illegal drug trade have been apprehended, without the loss of lives that marked the previous approach. It is more effective and humane strategy,” ayon kay Barbers.

Kaugnay nito, kinatigan din ni Barbers ang hamon ni Manila 6th Dist. Cong. Bienvenido “Benny” M. Abante, Jr. kay Sen. Ronald “Bato” Dela Rosa na dumalo sa isinasagawang pagdinig ng Quad Committee ng Kamara de Representantes para bigyan nito ng linaw ang kaniyang papel sa sa war-on-drugs ng nagdaang administrasyong Duterte kung saan libo-libong katao ang walang habas na pinaslang.