PATULOY na mawawalan ng suplay ng tubig sa mga piling oras ang mga kustomer ng Maynilad Water Services Inc.

Ayon sa tagapagsalita ng Maynilad na si Jennifer Rufo ang buong concession area mula Caloocan hanggang hilaga ng Cavite ay mawawalan ng suplay ng tubig mula alas-10 ng gabi hanggang 6 ng umaga.

Mas mabilis umanong magamit ang tubig kesa maipon sa mga water reservoir ng Maynilad kaya kailangang putulin ang suplay.

Tumataas din umano ang konsumo sa tubig dahil sa mainit na panahon.

Inihahanda na rin umano ng Maynilad ang kanilang mga deep well at nagtatayo ng mga bagong treatment facility para madagdagan ang suplay.