PINOSASAN sa bahay niya sa Nueva Ecija ang konduktor ng bus na wanted sa pagmomolestiya sa menor-de-edad na biktima sa Taguig City noong Lunes.

Natunton ng mga tauhan ni Southern Police District (SPD) District Director P/BGen. Randy Arceo si alyas Aljun, 30, sa Malabon, Kaingin, Jaen, Nueva Ecija ala-1:00 ng hapon.

Nahuli ang suspek sa kasong statutory rape na walang inirekomendang piyansa.

Ayon kay Taguig police chief P/Col. Byron Allatog, nakipag-ugnayan muna sila sa Nueva Ecija Provincial Police Office para sa maayos na pagsisilbi ng warrant of arrest laban sa akusado.