SWAK sa kulungan ang 42-anyos na lalaki dahil sa pag-astang siga habang nagyayabang ng baril noong Sabado sa Caloocan City.

Naabutan pa ng mga tauhan ni Caloocan police chief P/Col. Edcille Canals si alyas Robert habang nanggugulo sa Robes-1 na may bitbit na baril na nagresulta sa kanyang pagkakadakip.

Nakumpiska sa suspek ang hindi lisensyadong kalibre .38 revolver at tatlong bala.

Mahaharap sa mga kasong paglabag sa Republic Act 10591 (Comprehensive Firearms and Ammunition Regulation Act) na may kaugnayan sa Batas Pambansa 881 (Omnibus Election Code of the Philippines) at alarm and scandal ang suspek.