PATAY ang babaeng senior citizen nang ma-trap sa nasusunog niyang bahay noong Biyernes sa Paranaque City.

Hindi na nakalabas ng kanyang bahay sa 1618 Amethyst St. Annex 7, Brgy. Don Bosco si alyas Luz, 77, nang biglang magliyab sa hindi pa malamang dahilan dakong alas-5:42 n umaga.

Sa ulat ni Paranaque Fire Marshal F/Supt. Alexander Baena, umabot lamang sa unang alarma ang sunog bago tuluyang naapula ng alas-6:23 ng umaga.

Inaalam pa ng mga arson investigators ang pinagmulan ng apoy pati ang halaga ng tinupok na ari-arian.