NAGLABAS ang Civil Aviation Authority of the Philippines (CAAP) ng Notice to Airmen (NOTAM) para sa mga flights na dadaan malapit sa Bulkang Kanlaon.

Epektibo ang NOTAM mula alas-5:33 ng umaga ng Mayo 13 hanggang alas-2:55 ng madaling-araw sa Mayo 14.

Dahil sa kasalukuyang Alert Level 3 ng Bulkang Kanlaon (mataas na antas ng pag-aalburoto), pinapayuhan ang mga piloto at airline operators na umiwas sa paglipad malapit sa tuktok ng bulkan dahil sa panganib dulot ng abo na maaaring ibuga nito.