LAGLAG sa kamay ng mga pulis ang 39-anyos na obrero dahil sa pag-iingat ng mahigit 55 na gramo ng shabu na nagkakahalaga ng P375,000 sa Luzon Avenue, Brgy. Old Balara, Quezon City.

Ayon sa pulisya, tatlong barangay umano ang sakop ng area of operation ng suspek na aminadong tatlong taon na siyang nagbebenta ng droga.

“Inaamin ko naman po, nagbebenta ako ng droga. Gawa na rin ng hirap sa buhay siguro, sir, kaya napasok ko ‘yon,” sabi ng suspek.

Mahaharap ang suspek sa reklamong paglabag sa Comprehensive Dangerous Drugs Act.