NAGBIGAY noong Miyerkules ng 100 Smart TV ang Philippine Amusement and Gaming Corporation (PAGCOR) sa Maynila bilang suporta sa digitalization program ng lokal na pamahalaan.

Tinanggap nina Mayor Isko Moreno at Vice Mayor Chi Atienza kina PAGCOR Assistant Vice President Eric Balcos at Senior Manager Rydel De Guzman ang donasyon sa Manila City Hall.

Nagpasalamat ang alkalde sa PAGCOR sa patuloy na pakikipag-partner sa lungsod na sumasalamin sa kahalagahan ng pagtulong nila sa institusyon ng pamahalaan upang mapabuti ang pagbibigay ng serbisyo sa Manileños.

Tiniyak ng alkalde sa PAGCOR na ang mga natanggap na donasyon ng lokal na pamahalaan ay direktang mapapakinabangan ng mga residente ng lungsod.