UMABOT sa 17 pamilya na naapektuhan ng walang tigil na ulan ang hinatiran ng tulong ng Maynila.

Pinuntahan ni Manila Department of Social Welfare (MDSW) Director Jay Dela Fuente ang bahay ng mga benepisyaryo sa iba’t ibang lugar sa Maynila upang hatiran ng tulong.

Bahagi ng programang “MDSW at Your Doorstep” ang paghahatid ng tulong, isa sa mga direktiba ni Mayor Isko Moreno Domagoso sa ilalim ng “Serbisyong Yorme” program.

Bukod sa pinansiyal na tulong na P2,000, namahagi rin ang MDSW ng grocery packs na nagkakahalaga ng P700 at medical kits.