PINANGUNAHAN ni Manila Mayor Francisco Isko Moreno Domagoso ang Manila Police District command conference sa pamumuno ni P/BGen. Arnold Santiago noong Huwebes at nagbilin sa mga pulis na siguraduhing ligtas, maayos at mapayapa ang anumang kilos-protesta.

Sinabi ng alkalde na ang Maynila ay bukas para sa lahat at iginagalang ang karapatan ng bawat isa na malayang magpahayag ng kanilang saloobin.

“Sa lahat ng mga grupong magsasagawa ng rally, welcome po kayo sa Maynila.

Makipag-ugnayan lamang nang maayos sa ating pamahalaang lungsod upang maibigay namin ang kinakailangang suporta at masiguro ang kaligtasan ng lahat,” sabi ng alkalde.