SUPORTADO ng libo-libong grupo ng mga Visaya at Waray sa Quezon City partikular na sa distrito ni QC Rep. Anthony Peter “Onyx” Crisologo ang kandidatura ni Davao City Mayor Inday Sara Durterte bilang Vice-Presidential candidate ng UniTeam.

Itinatag ang grupong “Mga Bisaya para kay Inday Sara” Movement sa QC kasunod din ng pagtatatag naman sa “Bongbong Marcos-Sara” Movement na sinundan ng panunumpa bilang tanda ng buong suporta ng nasabing grupo sa tandem nina Presidential candidate at dating senador Ferdinand “Bongbong” Marcos, Jr. at Mayor Inday Sara.

Kabilang na ang pagsuporta ng dalawang grupo para naman sa mga kandidato ng “Malayang Quezon City” sa pangunguna ni congressman at Mayoralty Candidate Michael “Mike” T. Defensor at Councilor Winston Castelo.

Ipinakita ng grupo ng mga Bisaya at BBM-Sara Movement ang kanilang puwersa noong nakalipas na campaign rally ni Mayor Inday Sara sa QC matapos itong imbitahan ni Crisologo sa Barangay Manresa para mangampanya.

Labis na pinasalamatan naman ni Crisologo si Mayor Inday Sara dahil sa pagpapaunlak nito sa kanilang imbitasyon sa pagsasabing maasahan nito ang suporta ng Distrito Uno, kasunod ng pagpapasalamat nito sa kaniyang mga ka-Distrito dahil sa mainit na pagtanggap nila kay Mayor Inday Sara.

“Thank your very much VP Mayor Inday Sara Duterte and thank you very much also Distrito Uno for your warm welcome to your servants, the next vice-president. Mayor Inday Sara Duterte,” sabi ni Crisologo.