UMABOT sa 215 suspek sa iba’t-ibang krimen ang nalambat ng mga miyembro ng Quezon City Police District (QCPD) sa isang linggong operasyon.

Ayon kay QCPD acting director, P/Col. Melecio Buslig Jr., kabilang sa mga naaresto ang 70 wanted persons, 67 drug suspects, 3 sa pagdadala ng baril at 75 sugarol.

Sa mga nahuling drug suspects, nakakumpiska ang mga awtoridad ng 166.93 gramo ng illegal na droga na nagkakahalaga ng P943,274.

Apat na baril naman ang nakumpiska sa 3 suspek habang P23,419 na pusta ang nasamsam sa mga sugarol.

“Patuloy na paiigtingin ng mga pulis Kyusi ang kampanya laban sa kriminalidad upang mapanatili ang kapayapaan at kaayusan sa Quezon City,” pahayag ng QCPD chief.