DAHIL sa matinding pag-ulan at pag-baha dulot ng tropical depression na si Enteng, ipinag-paliban muna ang mga laro sa MPBL (Maharlika Pilipinas Basketball League) Sixth Season elimination round ngayong araw sa Ynares Sports Arena sq Pasig.

Pinigil ang mga laro, na tatampukan ng Sarangani-Caloocan, Marikina-Rizal at Manila-Pangasinan, para sa.kaligtasan na din ng mga players, officials at manonood.

Hindi pa inanunsyo ng pamunuan ng MPBL, sa pangunguna ni Commissioner Kenneth Duremdes, kung kelan itutuloy ang mga nasabing sagupaan.

Samantala, dadayo ang MPBL sa Olivarez College Gym sa Parañaque para sa iba pang triple bill, na kung saan magtutuos ang Pampanga laban sa Bacolod, Bulacan laban sa Mindoro at host Paranaque laban sa San Juan.