INIUTOS ni Department of Transportation (DOTr) Secretary Vivencio Dizon ang habambuhay na pagkansela sa driver’s license ng driver na nahuling nag-counterflow sa Skyway noong Sabado.

Sa kuha ng CCTV bandang alas-3:32 ng madaling araw, kitang-kita ang pagsalubong ng driver sa mga sasakyan sa opposite lane ng Skyway.

“Hindi pu-pwede na suspendido lang ang lisensiya ng driver na ito dahil kitang-kita naman sa CCTV footage na inilagay niya sa peligro ang buhay ng mga driver ng kasalubong niyang sasakyan.

Ipinag-utos ko na i-revoke na nang tuluyan ang driver’s license ng pasaway na driver na ito nang hindi na pamarisan ang reckless driving niya,” ayon kay Secretary Dizon.

Hinihikayat din ni Sec. Dizon ang publiko na i-report ang mga ganitong insidente sa DOTr para magawan agad ng aksyon.