TIMBOG ang 25-anyos na lalaki na nabuking na may dalang baril habang pagala-gala sa Caloocan City.

Tinangka pang itago ni alyas Dagul ang kalibre .9mm revolver na may limang bala sa magazine ng matunugan ang paparating na mga pulis.

Nahuli ang suspek na pabalik-balik na naglalakad sa eskinita ng Morning Star St., Brgy. 178 alas-3:40 ng madaling araw noong Sabado.

Iprinisinta na sa Caloocan City Prosecutor’s Office para sa inquest proceedings ng pulisya si alyas Dagul para sa paghahain ng kasong paglabag sa Comprehensive Firearms and Ammunition Regulation Act at BP 881 o ang Omnibus Election Code of the Philippines.