ARESTADO ang isang Norwegian na nagtangka umanong magpuslit ng 8.34 kilo ng shabu na nagkakahalaga ng P56 milyon.

Dumating umano ang Norwegian sa Terminal 3 ng Ninoy Aquino International Airport (NAIA) sa Pasay Biyernes ng umaga. Galing umano ang suspek sa Dubai at pasahero ng Emirates Airlines flight EK334.

Pagdaan ng maleta nito sa x-ray screening ay napansin umano ang ipinagbabawal na gamot. Idinaan sa K9 sweeping ang bagahe at ng muling magpositibo ay nagsagawa na ng physical examination.