ARESTADO ang isang binatilyo sa buy-bust ng mga tauhan ng Manila Police District-Station Drug Enforcement Unit (MPD-SDEU) sa Tondo, Manila noong Huwebes.

Ayon sa ulat ni Police Staff Sergeant Ralph Poblete, team lider, kay Police Major Manuel Calleja, hepe ng SDEU, bandang alas-12:30 ng hatinggabi natiklo ang suspek sa si alyas Boboy ng ikasa ang bentahan ng droga sa lugar ng binatilyo.

Nahuli ang suspek sa bentahan ng shabu sa panulukan ng New Antipolo af Solis Sts. sa Tondo sa pamamagitan ng buy-bust money na P1,000 na ipinain ng isa sa poseur-buyers.

Nakasamsam ng 50 gramo ng hinihinalang shabu na nagkakahalaga ng P340,000 galing sa suspek.

Nahaharap ang binatilyo sa kasong paglabag sa Section 5 at Section 11 ng Republic Act 9165.