MAHIGIT P7 milyong halaga ng shabu ang nakumpiska ng pulisya sa tatlong umano’y tulak ng shabu na pinamumunuan ng tibong rider ng motorcycle taxi hailing service noong Huwebes sa Caloocan City.

Bukod sa 24-anyos si alyas Tomboy, timbog din sa buy-bust sina alyas Hallem at alyas Meng, 31, matapos pagbentahan ng shabu na nagkakahalaga ng P27,000 ang pulis na nagpanggap na buyer.

Naisagawa ang buy-bust at nahuli ang tatlo dakong alas-12:10 ng hatinggabi sa San Lorenzo Ruiz St., Brgy. 185.

Bukod sa ibinentang shabu, nasamsam din ng pulisya sa tatlo ang kabuuang 1,170 gramo ng shabu na may katumbas na halagang P7,956,000 at markadong salapi.