𝗣𝗔𝗥𝗔 𝗸𝗮𝘆 𝗠𝗮𝗻𝗶𝗹𝗮 𝟮𝗻𝗱 𝗗𝗶𝘀𝘁. 𝗥𝗲𝗽. 𝗥𝗼𝗹𝗮𝗻𝗱𝗼 “𝗖𝗥𝗩” 𝗠. 𝗩𝗮𝗹𝗲𝗿𝗶𝗮𝗻𝗼 𝗮𝗻𝗴 𝗽𝗮𝗴𝗵𝗮𝗵𝗮𝗶𝗻 𝗻𝗴 𝗶𝗺𝗽𝗲𝗮𝗰𝗵𝗺𝗲𝗻𝘁 𝗰𝗼𝗺𝗽𝗹𝗮𝗶𝗻𝘁 𝗹𝗮𝗯𝗮𝗻 𝗸𝗮𝘆 𝗩𝗶𝗰𝗲 𝗣𝗿𝗲𝘀𝗶𝗱𝗲𝗻𝘁 𝗜𝗻𝗱𝗮𝘆 𝗦𝗮𝗿𝗮 𝗗𝘂𝘁𝗲𝗿𝘁𝗲 𝗮𝗻𝗴 𝗻𝗮𝗿𝗮𝗿𝗮𝗽𝗮𝘁 𝗻𝗮 𝗽𝗮𝗿𝗮𝗮𝗻 𝗸𝗮𝘂𝗴𝗻𝗮𝘆 𝘀𝗮 𝗺𝗴𝗮 𝘀𝗮𝗺𝘂’𝘁-𝘀𝗮𝗿𝗶𝗻𝗴 𝗸𝗼𝗻𝘁𝗿𝗼𝗯𝗲𝗿𝘀𝗶𝘆𝗮 𝗻𝗮 𝗸𝗶𝗻𝗮𝘀𝗮𝗻𝗴𝗸𝘂𝘁𝗮𝗻 𝗻𝗶𝘁𝗼 𝗻𝗮 𝗺𝗮𝘆 𝗸𝗶𝗻𝗮𝗹𝗮𝗺𝗮𝗻 𝘀𝗮 𝗵𝗶𝗻𝗱𝗶 𝗺𝗮𝗶𝗽𝗮𝗹𝗶𝘄𝗮𝗻𝗮𝗴 𝗻𝗮 𝗽𝗮𝗴𝗴𝗮𝘀𝘁𝗮 𝗻𝗶𝘁𝗼 𝘀𝗮 𝗺𝗮𝗹𝗮𝗸𝗶𝗻𝗴 𝗽𝗼𝗻𝗱𝗼 𝗻𝗴 𝗢𝗳𝗳𝗶𝗰𝗲 𝗼𝗳 𝘁𝗵𝗲 𝗩𝗶𝗰𝗲 𝗣𝗿𝗲𝘀𝗶𝗱𝗲𝗻𝘁 (𝗢𝗩𝗣).

Ayon kay Valeriano, chairman ng House Committee on Metro Manila Development, maituturing na tamang hakbang ang pagsasampa ng kasong impeachment laban kay VP Sara subalit sa kasalukuyan ay imposible umano itong maisakatuparan dahil sa pagiging abala ng mga kongresista.

Paliwanag ni Valeriano na kasalukuyang tinatalakay na sa Plenaryo ng Kamara de Representantes ang 2025 proposed national budget kung saan abalang-abala silang mga mambabatas sa paghimay at pagsuri sa nasabing pambansang pondo kaya ang pagtalakay sa naturang impeachment complaint ay hindi nila matututukan.

Sabi pa ng kongresista na bukod sa pagtalakay nila sa 2025 national budget, magiging abala na rin sila sa nalalapit na “filing of candidacy” sa susunod na buwan para sa lahat ng mga lalahok o sasabak sa darating na 2025 mid-term elections.

Dagdag pa ni Valeriano na bukod sa wala sa timing ang paghahain ng impeachment laban kay VP Sara, posibleng hindi rin matapos ngayong taon ang prosesong ito dahil ang paghahain nito ay isang napakahabang proseso na kinakaikailangan ng isang masusing pag-aaral at pagpa-plano.

“Impeachment against VP Sara is the right thing to do but, perhaps not timely at this point. The congressional ans senatorial are upcoming and thus. Congressmen may have to attend to other local events and spend time with our constituents, impeachment is a process and needs exhaustive study,” sabi ni Valeriano.

𝗧𝗼 𝗚𝗼𝗱 𝗯𝗲 𝘁𝗵𝗲 𝗚𝗹𝗼𝗿𝘆