PAGTITIBAYIN ng Department of Tourism (DOT) ang pangako nitong gawing international gastronomy hub ang Pilipinas sa pagho-host ng Pilipinas sa Terra Madre Asia Pacific na gaganapin sa 2025 sa Bacolod City.

Ang Terra Madre bahagi ng Slow Food, isang pandaigdigang grassroots organization na itinatag noong 1989, na naglalayong pangalagaan ang mga kultura at tradisyon ng pagkain, kontrahin ang mabilis na pamumuhay at muling pasiglahin ang koneksyon ng mga tao sa kanilang kinakain.

Ayon sa Slow Food, ang pagkain hindi lamang tungkol sa kabuhayan kundi pati na rin ang masalimuot na pagkakaugnay sa kultura, pulitika, agrikultura at kapaligiran.

Sa pamamagitan ng maingat na pagpili ng pagkain, maaaring sama-samang maimpluwensyahan ng mga indibidwal kung paano nililinang, ginagawa at ipinamamahagi ang pagkain kaya nagdudulot ng positibong pagbabago sa pandaigdigang saklaw.

Sa ilalim ng pamumuno ni Kalihim Cristina Garcia Frasco, ang DOT, sa pamamagitan ng pangkat ng turismong pangkultura nito, nagpapaunlad ng turismo ng pagkain at gastronomy bilang isa sa mga priyoridad nitong sub-sektor.

“Sa gastronomy tourism ranking na napakataas sa mga prayoridad ng Departamento ng Turismo sa ilalim ng administrasyon ni Pangulong Ferdinand R. Marcos, Jr., na ang pananaw isa sa pagbabago ng turismo.

Ang Slow Food movement sa Pilipinas nagdaragdag ng value proposition ng ating mga destinasyon habang pinalalakas ang pagbabagong-buhay ng ating mga likas na yaman at sangkap,” sabi ng Kalihim.

Ipinarating ng tourism chief ang magandang balita na ang Pilipinas ang napiling mag-host ng kauna-unahang Terra Madre Asia Pacific sa susunod na taon.

Pinasalamatan ng mga executive ng lokal na pamahalaan ang DOT sa pagsisikap nitong isulong ang turismo sa Negros Occidental at ipinahayag ang kanilang patuloy na suporta.

“Kay Secretary Christina Garcia Frasco, ikinararangal namin ang inyong matatag na suporta. Ang iyong pag-endorso sa Bacolod bilang host ng Terra Madre Asia Pacific sa 2025 nagpapahiwatig ng pangako ng pambansang pamahalaan sa pag-angat ng mga lokal na komunidad sa pamamagitan ng napapanatiling at responsableng turismo,” sabi ni Gob. Eugenio Jose Lacson.

“Masayang-masaya kami na magiging host kami ng pinakaunang Asia Pacific Slow Food sa susunod na taon. Nagagawa rin ito dahil kay Secretary Frasco,” sabi ni Bacolod City Mayor Alfredo Abelardo Benitez.