Matatapos umano sa Pebrero ang paglalagay ng motorcycle lane marking sa kahabaan ng Commonwealth Avenue sa Quezon City.

Ayon kay Metropolitan Manila Development Authority (MMDA) chairperson Romando Artes tatapusin muna ng ahensya ang paglalagay ng mga marking at road signages bago ipatupad ang motorcycle lane policy sa naturang kalsada.

Sa ganitong paraan, sinabi ni Artes na walang maibibigay na dahilan ang mga huhulihin kung bakit hindi sila sumunod na tanging ang mga motorsiklo lamang ang maaaring dumaan sa motorcycle lane.

Ipatutupad ang motorcycle lane sa Commonwealth Avenue upang mabawasan umano ang mga aksidente sa lugar.