Bongga ang media influencer na si Whamos Cruz dahil sinagot ni Bataan District 1 Representative Geraldine Roman ang panawagan niya na maging ninang ng kanyang anak.

“Gusto kitang maging kumare, bilang ninang ng ipapanganak pa lang na anak ko,” panawagan ni Whamos sa kongresista.

Matagal na palang sinusundan ni Whamos at ng partner niya na si Antonette Gail ang mga post ng politiko.

“Gustung-gusto ko ang mga sinasabi niya, pati na ang mga payong ibinibigay niya,” lahad ni Whamos.

Ipinakiusap pa niya sa kanyang followers na i-tag ito upang makarating dito ang kanyang panawagan.

Nakarating nga at dininig naman ang hiling ng mag-asawa. Naganap ang kanilang masayang pagtatagpo na mapapanood sa Geraldine Romantik sa YouTube.