NUEVA Ecija–Nangako ang hepe ng Jaen police na wala silang kinakampihan at mananatiling non-partisan para sa darating na halalan sa Mayo 12, 2025.

Ito ang pahayag ni Major Ernesto Esguerra matapos niyang i-welcome ang lahat ng kandidato sa pagka-alkalde, bise alkalde at mga konsehal sa St. Augustine Parish Church pagkatapos ng unity walk mula sa harap ng Nepo Mall sa Brgy. Apo Esquivel noong Huwebes.

Kabilang sa mga dumalo sa peace covenant-signing sina Mayor Sylvia Austria at Vice Mayor Atty. Sylvester C. Austria na nagpalit ng posisyon.

Naroon din ang walong miyembro ng Samahang Austria na sina Councilor Josie Angeles, Nanding Carlos, Archie Cruz, Tony Ocampo at Gerry Quetua, Resty Reyes, Ronnel Santos at Norman Velarde.

Dalawa sa tatlong kandidato sa pagka-mayor dumalo din sa event–sina Konsehal Lorenzo “Larry” Manuel at Henry Velarde.

No shows sina mayoral bet Eboy Esquivel at vice mayoral bet Jane De Guzman.

Pinasalamatan ni Nueva Ecija police chief Ferdinand Germino ang lahat ng political aspirants na dumalo sa event.

Kasama sina Germino at Esguerra, nagsilbi din bilang mga saksi sa “Unity Walk, Inter-Faith Prayer Rally, Peace Covenant Signing at Ceremonial Release of White Balloons para sa kapayapaan sina Parish Priest Rev. Fr. Jeffrey Alarilla, Municipal COMELEC officer Gershwin Matias, municipal DILG officer Jonnel Edillor, DEP-ED district supervisor at Rev. Arnold Galvez.