ARESTADO ang lalaking pinaghihinalaang tulak ng ilegal na droga nang magbenta ng shabu sa pulis na nagpanggap na buyer noong Lunes sa Taguig City.

Kinalawit ng mga tauhan ni Taguig acting police chief P/Col. Byron Allatog si alyas Bernie, 41, nang tanggapin ang markadong salapi na ibinayad ng poseur-buyer kapalit ng ibinentang shabu sa Brgy. Cembo dakong alas-9:30 ng gabi.

Nakumpiska ng pulisya sa suspek ang 15.7 gramo ng shabu na nagkakahalaga ng P106,760.

Nahaharap ang suspek sa kasong paglabag sa Sections 5 at 11, Article II ng Comprehensive Dangerous Drugs Act of 2002 sa Taguig City Prosecutor’s Office.