KRITIKAL ang isang parking boy makaraang undayan ng saksak sa tagiliran ng nakaaway niya sa panulukan ng C.M. Recto Avenue at Tabora St., Binondo, Manila noong Miyerkules.

Isinugod sa Gat Andres Bonifacio Medical Center ang biktimang si Roldan Carpio ng saksakin ng tumakas na si Adrielle Ronni Acosta.

Nahuli naman sa Oplan Pagtugis ang suspek, ayon sa report.

Base sa ulat ng Juan Luna Police Community Precinct, bandang alas-12:20 ng tanghali naganap ang pananaksak.

Nagkaroon umano ng hindi pagkakaunawaan sa pagitan ng biktima at ng suspek na nauwi sa pananaksak.

Nahaharap sa kasong frustrated homicide ang suspek.