NATUKLASAN na 27 persentahe ng Filipino adults ang nagsabing personal nilang nasaksihan o naranasan ang anumang uri ng panloloko sa isang relasyon, habang 72 persentahe naman ang nagsabing hindi pa nila ito nasaksihan o naranasan, ayon sa pambansang Social Weather Survey (SWS) noong Nobyembre 24–30, 2025.

Sa mga personal na nakasaksi o nakaranas ng panloloko, 11 persentahe ang tumukoy sa pisikal na panloloko, tulad ng pakikipagtalik o intimate na aktibidad sa iba.

Samantala, 11 persentahe naman ang tumukoy sa emosyonal na panloloko, gaya ng pakikipag-usap sa ibang tao tungkol sa problema imbes na sa sariling kapareha, o pagkakaroon ng romantikong damdamin sa iba kahit walang pisikal na relasyon.

Pinahintulutan ang mga respondent na magbigay ng higit sa isang sagot.

Isinagawa ang Fourth Quarter 2025 SWS gamit ang harapang panayam sa 1,200 na matatanda (edad 18 pataas) sa buong bansa: tig-300 sa Metro Manila, Balance Luzon (o Luzon sa labas ng Metro Manila), Visayas at Mindanao.

Ang sampling error margins ay ±3 porsiyento para sa pambansang porsiyento at ±6 porsiyento naman para sa bawat lugar — Metro Manila, Balance Luzon, Visayas at Mindanao.

Ang mga pagtataya ayon sa lugar ay tinimbang batay sa medium-population projections para sa 2025 ng Philippine Statistics Authority (PSA) upang makuha ang pambansang pagtataya.

Ang mga tanong sa survey na iniulat dito ay hindi iniutos o kinomisyon ng anumang grupo.

Isinama ang mga ito sa inisyatiba ng SWS at inilabas bilang serbisyong pampubliko.

Ang eksaktong pagkakabuo ng mga tanong sa survey (ang orihinal na wika ay Filipino; may kalakip na salin sa Ingles) ay:

1) Pag-usapan naman po natin ang tungkol sa pag-ibig. Nakasaksi o nakaranas na ba kayo mismo ng anumang uri ng pangangaliwa o pagtataksil o “cheating” sa isang relasyon? KUNG OO: Anong klase po ito? (SHOW CARD; ALLOW MULTIPLE RESPONSES: Physical cheating, halimbawa, pakikipagtalik sa ibang tao, o pakikipag-date sa ibang tao bukod sa sariling partner; Emotional cheating, halimbawa, pagbabahagi sa ibang tao ng mga problema imbes na sa sariling partner, o pagkakaroon ng romantikong damdamin para sa ibang tao kahit na walang pisikal na relasyon; Financial cheating, halimbawa, ang pagtatago ng mga binibili para sa luho o paglilihim ng mga utang sa sariling partner; Cyber cheating, halimbawa, pagkakaroon ng ibang social media account na hindi alam ng partner, o pakikipag-chat sa ibang tao nang patago; Microcheating, halimbawa, paggamit ng mga tawag na may lambing, gaya ng ‘baby’, ‘honey’, o ‘love’ sa ibang tao bukod sa partner o pagtatago ng estado ng sariling relasyon o relationship status; Object cheating, halimbawa, ang labis na pagbibigay-pansin sa mga laro, cellphone, o ibang bagay na materyal, kaya’t nawawalan na ng oras para sa sariling partner). [Let us now talk about love. Have you personally witnessed or experienced any form of cheating in a relationship? IF YES: What kind of cheating is this? (SHOW CARD; ALLOW MULTIPLE RESPONSES: Physical cheating, for example, having sex with another person or dating another person besides one’s own partner; Emotional cheating, for example, talking with another person about a problem instead of with one’s own partner, or having romantic feelings for another person even though there is no physical relationship; Financial cheating, for example, hiding luxury purchases or hiding debts from one’s own partner; Cyber cheating, for example, having other social media account without the partner’s knowledge, or secretly chatting with other people; Microcheating, for example, using affectionate terms such as ‘baby’, ‘honey’, or ‘love’ with someone other than one’s partner, or hiding one’s own relationship status; Object cheating, for example, giving too much attention to games, cellphone, or other material objects that one no longer has time for their partner)

2) Sa pangkalahatan, gaano kayo NANINIWALA o HINDI NANINIWALA na maaari pang maibalik ang pagtitiwala sa isang relasyon matapos ang pangangaliwa o pagtataksil o “cheating”? Kayo po ba ay (Lubos na naniniwala, Medyo naniniwala, Hindi tiyak kung naniniwala o hindi, Medyo hindi naniniwala, Lubos na hindi naniniwala)? [Overall, how much do you BELIEVE or NOT BELIEVE that trust can still be restored in a relationship after someone cheated? Do you (Strongly believe, Somewhat believe, Undecided if believe or not, Somewhat not believe, Strongly not believe)?