NANAWAGAN si Pangulong Ferdinand “Bongbong” Marcos Jr. sa mga taga-ormoc City na magpa-booster shot laban sa COVID-19.

Ginawa ng Pangulo ang panawagan sa kanyang pagdalo sa ika-75 Ormoc City Diamond Charter Day celebration.

“I call on the people of Ormoc City to actively participate… Mayroon pa rin tayong kailangang pag-alagaan. Kung minsan dahil… ‘Yan ganyan, wala na tayong masks. Hindi na tayo masyadong maingat ay nakakalimutan natin nandiyan pa ang pandemya. Medyo mahina na pero mas hihina ‘yan kung tayo po ay magpa-booster shot,” ani Marcos.

Ayon sa Pangulo nasa 33 porsyento lamang ang ang booster vaccination rate sa Ormoc City.

“Pero alam ko kaya ninyong paakyatin ‘yan. It is essential that we increase that rate to 50 percent para mayroon tayong tinatawag na wall of immunity. Magtulungan tayo. Napakahalaga nito at marami tayong magagawa kaagad,” sabi pa ng Pangulo.