SUMENTRO sa usapin sa enerhiya at healthcare ang bilateral meeting nina Pangulong Ferdinand “Bongbong” Marcos Jr. at Singaporean President Tharman Shanmugaratnam.

Nasa bansa si Shanmugaratnam kasama si First Lady Jane Yumiko Ittogi Shanmugaratnam para sa tatlong araw na state visit sa Pilipinas.

Sinaksihan ng dalawang lider ang ilang Memoranda of Understanding (MOUs), pati na ang recruitment ng Filipino healthcare workers.

Pinag-usapan din ng dalawang lider ang kolaborasyon ng dalawang bansa ukol sa climate change financing.

Binigyan ng arrival honors ang lider ng Singapore.

Ipinagdiriwang ng Singapore at Pilipinas ang ika-55 na anibersaryo ng diplomatic ties. Nagsimula ang relasyon ng dalawang bansa noong Mayo 16, 1969.